Aðeins undir veðrinu...

 

Já, þetta er búinn að vera einn af "þessum" dögum.. Einhvern vegin allt ómögulegt.

Og þegar maður er að reyna að peppa sjálfan sig upp og líta á björtu hliðarnar þá brestur það líka.

Svo vorum við að spá í að eyða helginni í bústaðnum, en það klikkaði líka..  Og mig var farið að hlakka til að komast í sveitina, fara í pottinn og hafa kósý...

Aðalbjörg kom heim í brjáluðu skapi í dag, "strákarnir voru að reyna að kyssa mig!" Vá, hvað ég var ekki undirbúin þessari setningu... Verð að segja það. Hún er 4 ára! Svo sagði hún að Erik væri kærastinn sinn "hann reynir sko ekki að kyssa mig!"   Verð að segja það að mamman var alveg pottþétt ekki í þessum sömu vandræðum 4 ára gömul . Mamman var strákastelpa, aldrei gelgja og óð drulluna uppí mitti ..

Jæja, held að ég fari barasta uppí holuna mína. Íþróttaskóli í fyrramálið, Það má EKKI klikka!

Góða nótt elskurnar*

Þetta er ég, segir "fésbókin"... :)

Anita is a Red Rose! Anita is full of love. You like all things beautiful. You are also the romantic kind and have deep feelings for your someone special.

Ha ha!

HRÚTUR (Ég)og TVÍBURAR (Bóbi)
Hrútur og Tvíburi eru alltaf að þræta, en það er kannski meira í nösunum á þeim, því báðir eru fljótir að fyrirgefa og gleyma öllum rifrildum. Þessi tvö merki laðast yfirleitt hvort að öðru og finna til sterkrar samstöðu. Hjónabandið gæti orðið gott, því báðum finnst hinn aðilinn skemmtilegur, spennandi og indæll, en hrútnum gæti þótt kynlífið heldur leiðigjarnt og tvíburinn of málglaður í bólinu!

Margt til í þessu, og margt ekki...  En hjónabandið gæti orðið gott, þannig að þetta er allt í lagi . Við verðum gömul saman.

 

Marineruð í spritti..

Já þetta er alls staðar, maður er svo marineraður í vinnuni af spritti að það þyrfti að senda allt starfsfólkið á Vog eftir þetta allt saman. Ef vel ætti að vera!

Nóróveiran leggur Íslendinga

Stutt blogg, en þó eitthvað...

Lífið gengur sinn vanagang hér í G4. Eða einsog hægt er.. Allir að skríða saman úr sínum veikindum, Bóbi laus við gifsið..

Allt gengur bara einsog það á að ganga..

Moli bræðir alla sem koma í heimsókn að skoða hann..   Hann er yndislegur...

Aðalbjörg ætlar í leikskólann á morgun, og hlakkar mikið til.. Hún missti af þorrablótinu á föstud. en hún fer bara næst..  Og í þessum veikindum sínum er hún bara ekkert búin að vera leið og eirðarlaus.. Moli heldur henni við efnið.. Þau hafa félagsskap af hvort öðru .

Jæja, Bóbi er að horfa á úrslitaleikinn, ætli mar verði ekki að sýna smá lit og vera með..

Sjáumst!

*Vinirnir*

 

Nýr fjölskyldumeðlimur sem segir voff!

Jæja...

Ég lét verða af því! Ég fékk mér hvolp. Bóbi er enn að ná því ;) Hann ætlaði ekki að trúa því að ég myndi láta verða af því þegar hann var búinn að segja nei við því...  En hann er fljótur að gleyma.. Hvernig var með vélina...???  Það eru fáir sem vita ekki hvernig það var þannig að ég þarf ekkert að útskýra það hér..

En ég fékk leyfi í blokkinni, og nágrannarnir eru bara svölustu nágrannar í heimi* Og eru bara að koma og skoða hann..  Þannig að ég á hund sem heitir Moli, hann reyndar hét það þegar við/ég fékk hann og hlýðir því og þá er ég ekkert að breyta því..   Hann er voða ljúfur greyjið, mikill kúrari..  En geltir ef einhver vogar sér inná hans heimili... ;)  Auðvitað passar maður sitt svæði! 

Núna erum við heima, Aðalbjörg er lasin.. Einhver kvef/hitapest.

En ætlaði bara að leyfa ykkur að fylgjast með..

Kv. úr hasarnum í G4.

*Moli*

 

Happy new year!

Já , þetta jólaslen ætlar eitthvað seint úr manni.. Er núna með flensupest ofan í það, og búin að vera með hana í um viku. Vona að þetta fari nú að taka enda, svo að maður geti farið að gera eitthvað af viti heima hjá sér..

Það er semsagt búið að skíra hjá Marzennu og Svenna, og fékk prinsessan nafnið "Sandra María".

Bóbi náði að handarbrjóta sig í boltanum og er í gifsi þangað til eftir viku, en þá er ætlunin að taka það af. Hann á reyndar að fara í myndatöku á þriðjudaginn og svo á að sjá til..

Aðalbjörg varð 4 ára og stóð við loforðið sem hún gaf, hún hætti með dudduna. Og bíður nú spennt eftir að missa fyrstu tönnina ;) Tannsi sagði í síðustu heimsókn til hans að hún myndi sennilega missa hana þegar hún færi í skóla... En Aðalbjörg heldur að það fari bara alveg að koma að þessu..

Jæja, stutt blogg en þó eitthvað..

Ætla að fara að huga að hryggnum og gera sósu...

Yfir og út..

Anita hornös.

Gleðilega hátíð!

Vonandi áttu allir jafn ljúf jól og við hérna í G4. Mamma og Albert voru hjá okkur og við borðuðum auðvitað rjúpur sem Albert græjaði með snilld. Hann er alveg ótrúlegur kokkur, og gaman að sjá hvað hann hefur gaman af því að elda og leggur mikinn metnað í eldamennskuna.. :)  Það var bara öllum skipað að fara út á meðan, hann vildi sko fá frið til að einbeita sér ;)  Svo komu Stína og Telma í smá jóladagskaffi og Telma fór svo með pabba sínum og ömmu til Þórshafnar.

Á Aðfangadag fóru Bóbi og Aðalbjörg í jólagrautinn í sveitinni, ég var að vinna... Aðalbjörg fékk möndluna aftur í ár ;)  En hún fékk hana í fyrra líka..

Á jóladag var síðan farið í jólakaffi í sveitinni, og komum við, við í Núpum líka.

Annan í jólum var síðan jólaboð á hólnum, hamborgarhryggur að hætti Birnu og Bóba.

Svo á morgun verður haldið uppá afmælið hennar Aðalbjargar, barnaafmæli.. En á sjálfan afmælisdaginn(29.) verður fullorðins kaffi..

Svo þann 30. er okkur boðið í skírn hjá "Rexínu Pólínu".. Og svo er afmæli hjá Öddu um kvöldið.. Og áramótin verðum við einmitt þar líka..

Brjálaðar veislur öll jólin semsagt..  Nú þegar búin að éta á mig gat, veit ekki hvar þetta endar..

En jólin voru ljúf, áramótin eftir og stefnir bara í góð áramót líka held ég...

Í kvöld ætla ég að vera sófaklessa, og finna mér eitthvað gott NAMMI, af því að maður fær nú aldrei nóg af nammi...  Ég er í fríi á morgun! Bökunardagur! (jólagjöfin frá sjúkrahúsinu, frídagur)..

Bless í bili..

 

Mitt fólk bjargar sér sko..

Ég er stolt af "mínu fólki".. Þau eru sko ekkert að gefast upp, og skríða ofan í gröfina..  Þau bjarga sér..   Vitiði til, það verða komin hringtorg og umferðaljós á Þórshöfn City fyrr en varir. Og hvar verða "svartsýnisseggirnir" þá???  Þá verður ekki lengur sagt, Þórshöfn = dauði og djöfull !  Það verður, Þórshöfn = Dýrð og dásemd..     FLOTT HJÁ YKKUR!

Kv. Anita stoltur LANGNESINGUR.

Stefnt að byggingu kalkverksmiðju á Þórshöfn

Jólin á næsta leyti...

27 dagar til jóla!

Hvert fara dagarnir eiginlega???  Tíminn flýgur bara..

Ég er samt í ágætis málum held ég..

Búin að baka Sörur, jólakjóllinn kominn á stelpuna og skórnir á leiðinni.. Búin að panta jólakortin.. Gjafirnar langt komnar.. Laufabrauðið klárt..  Hreingerningin... Ja.. Þegar maður vinnur við að þrífa þá er það ekki efst á lista heima við..  En ég á samt bara eftir baðið og eldhúsið, og svo bara fínisera smá.. 

Svo förum við bráðum að skreyta, það á að setja á svalirnar í blokkinni um helgina..  Svo kemur þetta bara í róleg heitum vonandi..  Fyrsta skiptið núna sem Bóbi er heima í jólaundirbúningnum...

Það var smá húsmæðraorlofsdagur hjá mér í dag..   Bóbi fór til Akureyrar og tók Aðalbjörgu með sér..  Auðvitað datt mér ekki í hug að fara að þrífa eða gera eitthvað af viti á meðan, nota tímann.. Nei, Anita lá í leti og gerði nánast ekkert. Bara dekursíðdegi hjá mér.

Samt venst ég því aldrei að vera EIN heima.. Kann ekki að vera barnlaus. Finnst ég hálfpartinn vera að svíkjast undan, að ég ætti að vera að gera eitthvað..

Svo voru hjónakornin Marzenna og Svenni að bjóða okkur í mat í kvöld, þannig að ég þarf ekki heldur að elda!! BARA lúxus.. 

Jæja, ég sem hafði ekkert að segja þegar ég byrjaði, skammaðist mín bara fyrir svona þunglyndisfyrirsögn sem var .

Bless í bili dúllurnar..